بسمة وهبة لـ إبراهيم عيسى: «أنت مش وصي علينا.. واحتفظ بآرائك لنفسك»

شنت الإعلامية بسمة وهبة، هجوما حادا ضد إبراهيم عيسى و المتحدثين في الشؤون الدينية والإفتاء دون تخصص، موضحةً: “بنلاقي الناس على تيك توك ومنصات تانية بيتكلموا عن الدين وبيفتوا، انت بتكتشف حاجة بمخك انت.. انا ذنبي إيه وجيراني وأصحابي وأسرتي والمجتمع إنك انت عاوز تخليه يفهم غلط زيك؟!”.

وأضافت وهبة خلال تقديم حلقة اليوم من برنامج “90 دقيقة”، على قناة المحور: “عاوز توصل لإيه؟! احتفظ بآرائك لنفسك وطبقها على نفسك، وخلي قناعاتك لنفسك، لكن أنا ذنبي إيه؟! انت مالك ومالي، أنت مش واصي عليّ ولا واصي على الدنيا ولا حد فوضك إنك تتكلم باسم ربنا واسم الدين، أنت من تكون؟!”. 

وتابعت: “الفتاوى الشاذة في الدين تأتي في إطار تشويه المجتمع المصري.. واعرض على الجاهلين، وتوخوا الحذر، والله خاطبنا في كتابه الكريم يا أصحاب العقول، أي أن الله منحنا الله العقل لكي نزن به الأمور، أرجوكم تمهلوا ومتسمعوش ومتمشوش في السكة دي، وأتمنى من كل واحد بيحب يفتي ويقول آراؤه في الدين إنه يخلي أراؤه لنفسه، مش عاوزين نعرف ومرجعيتنا الأزهر الشريف”.

أقرا ايضا – أبرزهم «خاتم سليمان، السبع بنات»| فيريال يوسف تطالب بمستحقاتها في تلك المسلسلات